ကိုထိန်လင်း သို့ အိတ်ဖွင့်ပေးစာ

ကိုထိန်ရေ ဒီရက်ပိုင်းထဲမှာ မြန်မာပြည်မြောက်ပိုင်း ကျောင်းသား ရဲဘော်ဟောင်းတွေရဲ့ မြောက်ပိုင်းတွင် ကြွေလွင့်သွားသော ကျောင်းသားများ အမှတ်တရနေ့ အခမ်းအနား (၂) ပွဲကို ဖေဖော်ဝါရီလ(၁၀)ရက်နေ့က ရန်ကုန်မှာ၊ (၁၂)ရက်နေ့က မန္တလေးမှာ ကျင်းပခဲ့တော့ အဲဒီနှစ်ပွဲစလုံးကို ကျွန်တော် အလေးအနက်ထားပြီး တက်ဖြစ်အောင် တက်ခဲ့တယ်။ ရန်ကုန်မှာလုပ်တဲ့ ပွဲမှာ ခင်ဗျားနဲ့ ကျွန်တော်ပြန်ဆုံ ဖြစ်ခဲ့ပြီး စကားနည်းနည်းလောက်ပဲ ပြောဖြစ်ခဲ့ကြလို့ ကျွန်တော် သဘောထားကို ဒီပေးစာနဲ့ ခင်ဗျားဆီလှမ်းပြောလိုက်တာပါ။

          ခင်ဗျားနဲ့ ကျွန်တော်စပြီး တွေ့ဖြစ်ခဲ့ကြတာဟာ 1999 ခုနှစ်ဝန်းကျင်ဆိုတော့ရယ်၊ မန္တလေးထောင်ထဲမှာ အကျဉ်းသားဘ၀နဲ့ ဆုံခဲ့ကြတာရယ်ကို မှတ်မိနေပါသေးတယ်။ အဲ့ဒီအချိန်တုန်းက ခင်ဗျားတို့ မြောက်ပိုင်း အေဘီပြန်ထွက်ပြေးလားပြီး နောက်ပိုင်းကာလ စစ်အစိုးရက နိုင်ငံရေးမှုနဲ့ ထောင်ချလိုက်တဲ့ ကာလဆိုတာကိုလည်း သတိရမိနေပါသေးတယ်။ ခင်ဗျားနဲ့ အမှုတွဲ ဖြစ်နေတဲ့ မြောက်ပိုင်းအေဘီပြန် ရဲဘော်တွေထဲက ကိုရာပြည့်၊ ကိုအငယ်လေး၊ ကိုစံလွင်လေး၊ ကိုရဲလင်း၊ ကိုမိုးကြီး(မိုးဇော်ထွန်း)၊ ကိုဘိုဘို(မိုးကျော်သူ)၊ ဖိုးကျော်(ကျော်ဝင်းဆွေ) တို့လည်း ထောင်ကျ အကျဉ်းသားတွေ ဖြစ်နေကြတဲ့အချိန်လေ။ တခြားဘယ်တွေ မန္တလေးထောင်ထဲမှာ ရှိသေးသလဲဆိုတာ အခုပြန်စဉ်းစားတော့ ကျွန်တော်မမှတ်မိဘူး။ တခြားထောင်တွေမှာ ထောင်ကျနေတဲ့ မြောက်ပိုင်းအေဘီပြန် ကျောင်းသားရဲဘော်တွေ ဘယ်လောက်ရှိသလဲဆိုတာကိုလည်း မမေးဖြစ်ခဲ့လို့ မသိခဲ့ဘူး။

          ဒီမိုကရေစီတောလှန်ရေးအတွက် အသက်ပေးဖို့ ဆုံးဖြတ်ခဲ့ကြတဲ့ ခင်ဗျားတို့ကို ထောက်လှမ်းရေးလို့ စွပ်စွဲပြီး နှိပ်စက် ညှဉ်းပန်းခဲ့ လူမဆန်တဲ့ လုပ်ရပ်တွေ ကျူးလွန်ခဲ့တဲ့ (အဲ့ဒီတုန်းက) ခေါင်းဆောင်နေရာ ရယူထားခဲ့တဲ့ လူတွေအနေနဲ့ ခင်ဗျားတို့တစ်တွေကို စစ်အစိုးရက နိုင်ငံရေးမှူးနဲ့ ထောင်ချလိုက်တဲ့ သတင်းမျိုးမကြားဘဲ မနေပါဘူး။ အဲဒီသတင်းကို သူတို့ကြားတဲ့ အချိန်မှာ ဘယ်လိုမှတ်ချက်မျိုးပေးခဲ့ကြသလဲ ဆိုတာကတော့ စိတ်ဝင်စားစရာ ကောင်းလိမ့်မယ်ထင်တယ် ကိုထိန်ရေ။ ပြီးတော့ ဘုမသိဘမသိဘဲ ခင်ဗျားတို့ကို စစ်ထောက်လှမ်းရေးလို့ ထင်မှတ်ခဲ့၊ ယုံကြည်ခဲ့ကြသူတွေရဲ့ အမြင်သဘောထား ဘယ်လိုရှိခဲ့ကြသလဲ ဆိုတာကိုလည်း စိတ်ဝင်စားမိပါသေးတယ်။

          ဒီလူတွေက အခု နှစ်ပေါင်း နှစ်ဆယ်ကျော်ကြာတဲ့အထိ ခင်ဗျားတို့တစ်တွေကို စစ်အစိုးရက လွှတ်လိုက် (တာဝန်ပေးလိုက်) တဲ့ ထောက်လှမ်းရေးတွေလို့ ယုံကြည်နေကြတုန်းပဲလား။ ခင်ဗျားတို့ ဒုက္ခတွေကို ကိုယ်ချင်းစာစိတ်နဲ့ အမှန်တရားဘက်က ငါတို့လည်း ရပ်မယ်ဆိုတဲ့ ဆုံးဖြတ်ချက်မျိုး မချနိုင်ရင်တောင်မှ ခင်ဗျားတို့တစ်တွေဟာ စစ်ထောက်လှမ်းရေး မဟုတ်ခဲ့ကြပါဘူးလို့ အခုအထိ သဘောမထားနိုင်ကြ သေးဘူးလား။ အနှစ်နှစ်ဆယ်ဆိုတဲ့ အချိန်ဟာ အဖြေမှန် ထုတ်နိုင်ဖို့အတွက် လုံလောက်လွန်းမကအောင် လုံလောက်ခဲ့တဲ့ အချိန်ပါ။ လူတစ်ယောက် (ခင်ဗျားတို့ တစ်အုပ်စုလုံး)ရဲ့ အဖြူအမည်းကို သဲသဲကွဲကွဲ မြင်လို့ကြည့်လို့ရတဲ့ ကာလရှည်ကြီးပါ။ လူတစ်ယောက်ချင်းစီကို နှိပ်စက်ညှဉ်းပန်း သတ်ဖြတ်ရုံတင်မကဘဲ နိုင်ငံရေးဘ၀ နာလန်မထူအောင် နိုင်ငံရေးလူညွန့်တုံးအောင် လုပ်ကြံခံခဲ့ရ သူတွေ အတွက် နိုင်ငံရေးနာလန်ထပြီး နိုင်ငံရေးဘ၀အညွန့်တလူလူ ဖြစ်လာခွင့်ကို ပြန်ရသင့်တဲ့ကာလလည်း ဖြစ်ပါတယ်။

          ခင်ဗျားတို့တစ်တွေက ကိုယ့်ဂုဏ်သိက္ခာကို ပြန်အဖတ်ဆယ်တဲ့၊ တစ်ယောက်ချင်းစီရဲ့ နဂိုအဆင့်နေရာတွေ (ရာထူးမဟုတ်၊ ကျောင်းသားတော်လှန်ရေး တပ်ဖွဲ့ဝင် ရဲဘော်ဆိုတာ)ကို ပြန်ရောက်နိုင်ရေးအတွက် နိုးထ ရုန်းကန်တဲ့ အခမ်းအနားနှစ်ခု ကျင်းပခဲ့တာကို ကျွန်တော်နဲ့ ကျွန်တော့်မိတ်ဆွေတွေ သူငယ်ချင်းတွေကတော့ ထောက်ခံအားပေးခဲ့ကြတယ်ဆိုတာ ခင်ဗျားသိပြီးသားပါ။

          မန္တလေးမှာ လုပ်တဲ့ ပွဲမတိုင်ခင် တစ်ရက်ကြိုပြီး ကျွန်တော်ရောက်သွားတော့ (အဲဒီတုန်းက) မတရားနှိပ်စက်ညှဉ်းပန်းတာ ကိုမခံနိုင်တာကြောင့် ထောက်လှမ်းရေးပါလို့ ၀န်ခံခဲ့ကြရတဲ့ ခင်ဗျားတို့ ရဲဘော်တချို့ရဲ့ စကားဝိုင်းထဲက ပြောကြတာတွေ ကြားရတယ်။ အတော့်ကို ထိတ်လန့်ချောက်ချားခဲ့ ရပြီး ကြေကွဲဝမ်းနည်းစိတ်တွေနဲ့ ကျွန်တော်မျက်ရည်လည်ခဲ့ရတယ်။ ဘယ့်နှယ်ဗျာ။

          ကိုထိန်ရေ ခင်ဗျားတို့ အမှုတွဲထဲက ကိုရာပြည့်နဲ့ ကျွန်တော် မန္တလေးထောင်ရဲ့ တိုက်ခန်းတစ်ခုတည်းမှာ အတူတူ နေခဲ့ရသေးတယ်ဗျ။ ကျွန်တော် မေးကြည့်လို့ သူပြန်ပြောပြတဲ့ မြောက်ပိုင်းအေဘီမှာတုန်းက ထောက်လှမ်းရေးဆိုပြီး ၀န်ခံလာအောင် နှိပ်စက်ခဲ့တဲ့ ဇာတ်ကွက်တွေက ရက်စက်ပါပေ့ကွယ် ဆိုတဲ့ စကားလုံးနဲ့ မလုံလောက်ခဲ့ပါဘူး။ မြောက်ပိုင်းအေဘီမှာ ထောက်လှမ်းရေးလို့ စွပ်စွဲခံခဲ့ရတဲ့ ကိုရာပြည့်လည်း စစ်အစိုးရရဲ့ ထောင်ထဲမှာ (၁၀) နှစ် ကျော်လောက်ကြာတော့ အသည်းရောင်အသားဝါစီနဲ့ ကွယ်လွန်သွားခဲ့တယ် ဆိုတာသိရတယ်။ (၂၀၀၉) လောက်တုန်းက ထင်တယ်။ အဲဒီကိုရာပြည့်လည်း စစ်အစိုးရက တာဝန်ပေးခဲ့တဲ့ စစ်ထောက်လှမ်းရေးပဲလားလို့ သူတို့ကို မေးကြည့်ချင်တယ်ဗျာ။

          မန္တလေးမှာ ပွဲလုပ်တဲ့နေ့ (၁၂၊ ဖေဖော်ဝါရီ) ရဲ့ ညနေပိုင်း ကျွန်တော်တို့ ကားပိတ်မသွားခင်မှာ မြောက်ပိုင်းအေဘီတုန်းက ခင်ဗျားတို့လိုပဲ ပြဿနာအရှာခံ ခဲ့ရတဲ့ ကိုဖိုးစန်းနဲ့ စကားထိုင်ပြောကြသေးတယ်။ ကျွန်တော်ရယ် ကိုဌေးလွင်ရယ် ကိုသိန်းဌေးရယ်။ ကိုဖိုးစန်းက အစောပိုင်း အဖမ်းခံထားရတဲ့ လူတွေရဲ့ ထောက်လှမ်းရေး ၀န်ခံချက်ဗွီဒီယိုမှတ်တမ်းတွေ ရိုက်ပေးခဲ့ရတာတဲ့။ ဒါပေမယ့် နောက်ပိုင်းမှာ သူ့ကိုလည်း ထောက်လှမ်းရေးလို့ စွပ်စွဲပြီး ညှဉ်းပန်း နှိပ်စက် ၀န်ခံခိုင်းခဲ့ ကြတာတဲ့။ သူကလည်း ခံခဲ့ရတဲ့ အကြောင်းတွေ ပြောပြပါသေးတယ်။ အဲဒီကာလတွေတုန်းက မြောက်ပိုင်း အေဘီမှာ ထိပ်ပိုင်းခေါင်းဆောင်တချို့နဲ့ သူတို့ကို နာခံသူတွေ၊ အဆင်ပြေသူတွေ ကပဲ တော်လှန်ရေး သမားအစစ်တွေ ဖြစ်နေခဲ့ပြီး ကျန်တဲ့ သူတွေကတော့ မြင်မြင်သမျှ၊ အမ်အိုင်ကွ လို့ သတ်မှတ်ခံနေရတဲ့ ကာလမျိုးဖြစ်နေခဲ့တာကိုး။ အဲဒီသဘောမျိုး ခပ်ဆင်ဆင်ဖြစ်နေမယ်ဆိုရင် ခင်ဗျား သဘောတူနိုင်မလား ကိုထိန်။

          ကိုဖိုးစန်းပြောပြတဲ့အထဲမှာ ခင်ဗျားအကြောင်းတောင်ပါသေးတယ်။ ခင်ဗျားကို အဲဒီလူတွေက အဆိပ်ခတ်မဲ့ ထောက်လှမ်းရေးလို့ စွဲချက်တင်ပြီး စစ်ဆေးနေတာတဲ့။ ခင်ဗျားက အကျောက်အကန် ငြင်းပေမယ့် နှိပ်စက်လွန်းလို့ နာသထက်နာလာပြီး မခံနိုင်တဲ့ အဆုံးမှာ ခင်ဗျားသိမ်းထားတယ်ဆိုတဲ့ အဆိပ်ပုလင်းကို ရုံးခန်းထဲက လာယူပြီးပေးခဲ့ရတယ်ဆိုပဲ။ ခင်ဗျားလက်ကို ကြိုးတုပ်ပြီး ခေါ်လာတာကို ကိုဖိုးစန်းက ထိုင်ကြည့်နေတာတဲ့။ ခင်ဗျားက မှင်အိုးကို ပြပြီး၊ ယူပြီးတော့ သူတို့နဲ့ အတူတူကြိုးတန်းလန်းနဲ့ အခန်းထဲက ပြန်ထွက်သွားတယ်တဲ့။ နောက်ပိုင်းမှာ ကိုဖိုးစန်းလည်း  ထောက်လှမ်းရေး စွပ်စွဲချက်နဲ့ အဖမ်းခံရတော့ ခင်ဗျားနဲ့အတူတူ နေရချိန်မှာ မှင်အိုး(ပုလင်း) ကိစ္စမေးတယ်တဲ့။ ငါ့ကို ဖွက်ထားတဲ့အဆိပ်ပုလင်းပေးရမယ်ဆိုတော့ ငါလည်းဘာမှ ပေးစရာမရှိတာနဲ့ မှင်ပုလင်းကို အဆိပ်ပုလင်းဆိုပြီး အပ်လိုက်ရတာကွ လို့ပြောတဲ့ အကြောင်းပါ ပြန်ပြောပြသေးတယ်။ ကိုဖိုးစန်းက ဒီမှင်တွေကို ဟင်းအိုးထဲခပ်ရင် တအိုးလုံးပြာသွားမယ် ဆိုတာတောင် အဲဒီကောင်တွေ မစဉ်းစားတတ်ဘူးလားမသိဘူး လို့ရယ်ကျဲကျဲနဲ့ ကျွန်တော်တို့ကို ပြောသေးတယ်ဗျ။

          အဲဒီနေ့က လုပ်တဲ့ မန္တလေးက အခမ်းအနားကို ခင်ဗျားက ပြန်ရမှာမို့ မလာနိုင်ပေမယ့် မန္တလေးမြို့က ဂဠုန်နီဆရာတော်အပါအ၀င် ထောင်ထွက် သံဃာတော်တွေ နိုင်ငံရေးသမားတွေ အထက်ဗကသ ဥက္ကဌဟောင်းကို သန့်ဇင်အပါအ၀င် ထောင်ထွက်ကျောင်းသူ ကျောင်းသားတွေ အသတ်ခံခဲ့ရတဲ့ ကျောင်းသားရဲဘော်တွေရဲ့ မိသားစုတွေနဲ့ အတူ ရန်ကုန်ကလာကြတဲ့ ကိုမြအေး၊ ကိုထွန်းမြင့်အောင်တို့ အပါအ၀င် (၈၈)မျိုးဆက်တွေ၊ မွေးစားသားအသတ်ခံရတဲ့ ဒေါ်ချိုချိုကျော်ငြိမ်းနဲ့ စိတ်ဝင်စားသူတွေ အတော်များများလာရောက်ခဲ့ ကြတယ်ဗျ။ အဲဒီအခမ်းအနားကို တက်ရောက်လာ ကြသူတွေ အားလုံးဟာ ပါးစပ်ကဖွင့်မပြောကြပေမယ့် ခင်ဗျားတို့ တစ်တွေအပါအ၀င် မြောက်ပိုင်းအေဘီဂွင်ထဲမှာ မတရားအသတ်ခံခဲ့ကြရတဲ့ ကျောင်းသားရဲဘော်တွေကို စစ်ထောက်လှမ်းရေးတွေ မဟုတ်ဘူး၊ တော်လှန်ရေး ရဲဘော်တွေလို့ အသိအမှတ်ပြုလိုက်တာပါပဲ ကိုထိန်ရေ။

          အဲဒီအခမ်းအနားကို လာရောက်ကြတဲ့ သံဃာတော်တွေ အပါအ၀င် လူပုဂ္ဂိုလ်တွေ အားလုံးဟာ ကိုထိန်တို့အပါအ၀င် နိုင်ငံရေးအရပါ အသတ်ခံလိုက်ရတဲ့ ကျောင်းသားရဲဘော်တွေဘက်က တကယ့် အမှန်တရားဘက်က ထွက်ရပ်ပြလိုက်တဲ့ အင်အားတွေလို့ ကျွန်တော်က လုံးဝယုံကြည်တယ်ဗျ။ မတရားမှုဆိုတာကို ဘယ်လိုနည်းနဲ့ပဲ ဖုံးအုပ်ဖျောက်ဖျက်ပြီး လှည့်ကွက်ဆင် မျက်လှည့်ပြခဲ့ပေမယ့်၊ ဖွင့်ချချိန်တန်လို့ ပွင့်ကျလာရင် ဗူးပေါ်သလို ပေါ်လာတာပဲ ဆိုတဲ့ သဘာဝတရားကို  ဘယ်လို သကောင့်သား အာဏာရှင်မျိုးကမှ ဖီဆန်လို့ မရခဲ့ပါဘူး ကိုထိန်။ ခင်ဗျားတို့လို ခံခဲ့ရတဲ့ ဘက်က လူတွေ အနှစ်နှစ်ဆယ်လုံး အောင့်အည်း မြိုသိပ်ကြိတ်မှိတ်ခံခဲ့ရတဲ့ အကြောင်းတွေထဲမှာ ကျောင်းသားတပ်မတော်ရဲ့ ဂုဏ်သိက္ခာကို ညှိုးနွမ်းနစ်နာသွားမှာကို စိုးရိမ်ခဲ့တာ၊ စစ်အစိုးရဘက်က ၀မ်းသာပြီး အသုံးချသွားမှာကို စိုးရိမ်ခဲ့တာ၊ ဗမာပြည် ဒီမိုကရေစီတော်လှန်ရေးကြီး တစ်ခုလုံးအပေါ် အရှိန်ဟပ်ပြီး ထိခိုက်သွားမှာစိုးတာတွေကြောင့်ဆိုတာ ခင်ဗျားတို့နဲ့ စကားပြောရင်းနဲ့ နားလည်ခဲ့ပါတယ်။ အဲ့ဒီလို ခင်ဗျားတို့ စိုးရိမ်စိတ်တွေနဲ့အတူ၊ ခင်ဗျားတို့ရဲ့ နိုင်ငံရေးဘ၀တွေ ညှိုးနွမ်းခြောက်သွေ့ခဲ့ရ၊ နိုင်ငံရေးဘ၀ သေခဲ့ရတာတွေကိုလည်း ကျွန်တော်နားလည်စာနာခဲ့ပါတယ်။ ဘယ့်နှယ်ဗျာ……..။

          အခုတော့ ခင်ဗျားတို့ရဲ့ အနာဂတ်နိုင်ငံရေးဘ၀တွေအတွက် ခင်ဗျားတို့ ကြုံခဲ့ရတဲ့ အခြေအနေ အစစ်အမှန်ကို ဖော်ထုတ် ဖွင့်ချလိုက်ကြပါပြီ။ ကျွန်တော်ကြိုဆိုပါတယ်။ ကျွန်တော့်လို စိတ်ဓါတ်ရှိကြတဲ့ ပြည်တွင်းပြည်ပက အမှန်တရားလိုလားကြသူတွေ၊ မတရားမှုကို ဆန့်ကျင်ကြသူတွေကလည်း ခင်ဗျားတို့ ရုန်းထရပ်ပြလိုက်တာကို လက်ကမ်းကြိုကျမှာပါ။ ကြိုနေကျသူတွေ အများကြီးကိုလည်း မြင်ခဲ့ရပြီးပါပြီ။ ခင်ဗျားတို့ဘ၀မှာ လိုချင်တာက တစ်ခုတည်းပါ။ အဲ့ဒါကတော့ မြောက်ပိုင်းအေဘီမှာ အသတ်ခံရသူတွေနဲ့ နှိပ်စက်ညှင်းပန်းခံခဲ့ရသူတွေဟာ စစ်ထောက်လှမ်းရေးမဟုတ်ခဲ့ကြပါဘူး ဆိုတာပါပဲ။ ဟုတ်တယ်မဟုတ်လား ကိုထိန်။

          အခုအချိန်အထိ ခင်ဗျားတို့ကို ထောက်လှမ်းရေးလို့ စွဲချက်တင်ထားသူတွေနဲ့ ယုံကြည်လက်ခံထားသူတွေကို ကျွန်တော်မေးချင်တာ တစ်ခုပဲရှိတယ်။ ကျွန်တော်က အင်တာနက် တက်လေ့မရှိလို့ အဲ့ဒီလူတွေကို ကျွန်တော့်ကိုယ်စား ကိုထိန်ပဲ လှမ်းပြီးမေးပေးစမ်းပါဗျာ။

          မကြာခင်တုန်းက နေအိမ်အကျယ်ချုပ်က လွတ်လာခဲ့တဲ့ ထောက်လှမ်းရေးညွှန်ချုပ်ဟောင်း ဗိုလ်ခင်ညွန့်က ကိုထွန်းအောင်ကျော်နဲ့ ဦးစိန်အပါအ၀င် နှိပ်စက် သတ်ဖြတ်ခံရသူတွေနဲ့ ညှင်းပန်းနှိပ်စက်ခံရပြီး ထွက်ပြေးလွတ်မြောက်ခဲ့သူတွေဟာ ငါ့လူတွေမဟုတ်ပါဘူး လို့ ကြေငြာချက် ထုတ်ပေးတော့မှ သူတို့မှားတယ်ဆိုတာကို လက်ခံမှာလားဆိုတဲ့ မေးခွန်းပါပဲ ကိုထိန်းရေ။

          မပြီးပြတ်သေးတဲ့ ဒီမိုကရေစီ အရေးတော်ပုံ ခရီးမှာ လူ့အသက်ရော နိုင်ငံရေးအသက်ပါ အသတ်ခံခဲ့ကြရတဲ့၊ လူအသတ်မခံရပေမယ့် နိုင်ငံရေးဘ၀ အသတ်ခံခဲ့ကြရတဲ့ တော်လှန်ရေးရဲဘော် အားလုံး လူ့ဂုဏ်သိက္ခာ နိုင်ငံရေးဂုဏ်သိက္ခာတွေ ပြန်ရအောင် ၀ိုင်းကြ ၀န်းကြဖို့ အရေးဟာ  အမှန်တရား မြတ်နိုးသူတွေ ဘယ်လိုမတရားမှုမျိုးကို မဆို ဆန့်ကျင်သူတွေ၊ ဒီမိုကရေစီမြတ်နိုးသူတွေ အားလုံးမှာ တာဝန်ရှိတယ်လို့ ခုလည်းယုံကြည်ပြီး နောင်အနာဂတ်မှာလည်း ယုံကြည်နေအုံးမှာပါ ကိုထိန်ရေ။

          ကိုထိန်နဲ့ ကျောင်းသားတပ်မတော်ကြီးမှာ မတရားအလုပ်ခံရသူ ရဲဘော်အားလုံး နိုင်ငံရေးဂုဏ် သိက္ခာ ပြန်လည်ထွေးပိုက်နိုင်တဲ့ အနာဂတ်ဘ၀မှာ ရှင်သန်ထမြောက်နိုင်ကြပါစေ။ မတရားလုပ်တဲ့ သူတွေက မာယာပရိယာယ် ကြွယ်တယ်ဆိုတာကိုလည်း မမေ့လိုက်ပါနဲ့ဦး။

          မန္တလေးထောင်မှာ အတူနေခဲ့တဲ့ ခင်ဗျားရဲ့မိတ်ဆွေ

          ဌေးသိန်း(နောင်ကျော်)

16.2.2012

ရန်ကုန်၊ မြန်မာပြည်

ဂျာနယ်များတွင်... အိတ်ဖွင့်ပေးစာ ဟူ၍ သူသူငါငါ ရေးသားနေကြသည့်အတွက် ကျွန်တော်ကလည်း ရောတိရောရာ မာဂျေလည်းပါ ဟူသည့်သဘောဖြင့် ခေတ်မီအောင် ခါတော်မီရေးသားခြင်းမဟုတ်ကြောင်း ဦးစွာ အစီရင်ခံ တင်ပြလိုပါသည်။ 

နိုင်ငံတော်၏ နိုင်ငံ ရေးစနစ်သည် ယခုအခါ ဒီမိုကရေစီစနစ်သို့ အရှိန်အဟုန်ဖြင့် ကူးပြောင်းနေသည်မှာ မည်သူမှ မငြင်းနိုင်သော အချက် ဖြစ်ပါသည်။ 

ယုံကြည်ချက်ကြောင့် အကျဉ်းကျခံနေရသူများအား ပြန်လွှတ်ပေးခဲ့သည့် သမ္မတကြီး၏လုပ်ရပ်အပေါ် ပြည်တွင်း ပြည်ပမှ လှိုက်လှဲစွာ ကြိုဆိုကြသလို ကျွန်တော်တို့အနေဖြင့်လည်း များစွာ ကျေနပ်အားရမိပါသည်။

အနာဂတ်တွင် မြန်မာနိုင်ငံ၏ နိုင်ငံရေးသည် အပြုသဘောဆောင်စွာဖြင့် အကောင်း ဘက်သို့သာ ဦးတည်သွားတော့မည်ဟုလည်း ယုံကြည်ပါသည်။ 

အချို့ အမြော်အမြင်ကြီးသူများဆိုလျှင် နဂိုရှိရင်းစွဲ အရောင်များကို မျက်နှာပြောင်ပြောင်ဖြင့် အမြန်ချွတ်နေကြသည်ကိုလည်း စိတ်ဝင်စားဖွယ် တွေ့ရှိရပါသည်။ 

သို့သော် နိုင်ငံရေးက ဒိုင်းနမစ်အသွင် အရှိန်အဟုန်ဖြင့် ပြောင်းလဲနေသော်လည်း အစိုးရ၏ အချို့သောယန္တရားများကတော့ စတက်တစ်အသွင် ယခင် အတိုင်း မတုန်မလှုပ်ရှိနေဆဲပင် ဖြစ်ပါသည်။ 

ပိုဆိုးလာသည်မှာ ဒေသဆိုင်ရာ အစိုးရများနှင့် ပြည်ထောင်စုအစိုးရအကြား လုပ်ငန်းလုပ်ကိုင်သူများ ဗျာများ လာရခြင်းဖြစ်ပါသည်။ 

ယခင်က သက်ဆိုင်ရာ ၀န်ကြီးဌာနတစ်ခုဖြင့် ပြီးသည့်ကိစ္စကို ယခုအခါ ဒေသဆိုင်ရာ အစိုးရသို့ တစ်ဆင့်တင်ပြီး ပြည်ထောင်စု အစိုးရသို့ ဆက်လက် တင်ပြနေရသဖြင့် လုပ်ငန်းကြန့်ကြာမှုများ ဖြစ်နေရပါသည်။

ဥပမာ တစ်ခုတင်ပြလိုပါသည်။ 

ကျွန်တော်သည် ရိုးရာလက်ဝှေ့ပွဲ စီစဉ် သူတစ်ဦးဖြစ်ပါသည်။ 

လက်ဝှေ့ပွဲတွင် နိုင်ငံခြားသားပါလာသည်နှင့် သက်ဆိုင်ရာ ဒေသအစိုးရ၏ ကက်ဘိနက်အစည်း အဝေးသို့ တင်ပြရပါသည်။ 

ခွင့်ပြုချက်ရပါက ....အထိ ဆက်လက်တင်ပြခွင့် ပြုချက်ရယူပြီး ထိုမှတစ်ဖန် ပြည်ထောင်စုအစိုးရအဖွဲ့ ကက်ဘိနက်အထိ တင်ပြ ခွင့်ပြုချက်ယူနေရသည်မှာ မဖြစ်သင့်သောကိစ္စဟု ယူဆပါသည်။ 

ခေတ်စနစ်နှင့် မလျော်ညီသော ဥပဒေများကိုလည်း ဖျက်သိမ်းပေးရန် အကြံပြု လိုပါသေးသည်။ 

သမ္မတကြီးသိသည့်အတိုင်း ယခုခေတ်အခါသည် အင်တာနက်၊ အီးမေးလ်ကို အသုံးပြု၍ စီးပွားရေး၊ ပညာရေး၊ လူမှုဆက်ဆံရေး လုပ်ငန်းများ တွင်ကျယ်စွာ ဆောင်ရွက်နေရသည့် ခေတ် ဖြစ်ပါသည်။ 

ထို့ပြင် အဆင့်ဆင့်ချည်နှောင်ထားသော ကြိုးနီစနစ်အတွင်း ပြည်သူများသာမက အစိုးရယန္တရားကို မောင်းနှင်နေသည့် ၀န်ထမ်းများပါ ပိတ်မိနေကြပါသည်။ 

မည်သည့်လုပ်ငန်းတွင်မဆို လိုက်နာရန်ခက်ခဲသော စည်းမျဉ်းဥပဒေများ၊ များပြားလှသည့် လုပ်ငန်းအဆင့်များ ချမှတ်ထားသဖြင့် ရှုပ်ထွေးမှုများ၊ ခွင့်ပြုလိုသည်ကို ခွင့်ပြုနိုင်ပြီး ခွင့်မပြုလိုသည်ကို ခွင့်မပြုနိုင်သည့် အနေအထားများ ဖြစ်ပေါ်နေပါသည်။ 

အောက်ခြေ ၀န်ထမ်းများဘက်မှလည်း အထက်အဆင့်ဆိုသူများသည် သူတို့ကို မည်သည့်လုပ်ပိုင်ခွင့်မှမပေးဘဲ ဖြစ်ပေါ် လာမည့်ပြဿနာများကိုသာ တာဝန်ခံခိုင်းနေသည်ဟူသောအသံများ ကြားနေရသလို အထက်မူဝါဒချမှတ်သူများထံမှလည်း အောက်ခြေသို့ လုပ်ပိုင်ခွင့် ပိုမို ပေးပြီး တာဝန်ယူလိုစိတ် မွေးစေသော်လည်း အစစအရာရာ အထက်သို့သာ တင်ပြနေသည် ဟူသည့်အသံများ ကြားနေရပါသည်။

အထက်နှင့်အောက် အပြန်အလှန် လက်ညှိုးထိုးနေသည့် အထဲတွင် ပြည်သူများမှာ ကျွဲနှစ်ကောင် ကြားက မြေစာပင်ဘ၀မျိုးဖြင့် လုပ်ငန်းများ ခက်ခဲနှောင့်နှေးနေရပါသည်။ 

ဤနေရာတွင် အထက်နှင့်အောက် ကြားမှ အလယ်အလတ်အဆင့် တာဝန် ရှိသူများ၏ မှန်ကန်သောမူဝါဒ ချမှတ်မှုသည် အရေးကြီး သည်ဟု ထင်ပါသည်။

သင်္ဘောသားများကို ကားသွင်းခွင့်ပေးမည်ဆိုပြီး မည်သည့်မော်ဒယ်ဖြစ်ရမည်၊ အသစ်ဖြစ်ရမည်၊ ဘယ်မောင်းဖြစ်ရမည်၊ ဈေး မည်မျှဖြစ်ရမည် စသဖြင့် မူချ မှတ်လိုက်သောအခါ ထို မူဘောင် အတွင်းမှ မည်သည့်ကားမှဝယ်မရသည့် အခြေအနေမျိုးမှာ မဖြစ်သင့်သောကိစ္စပင် ဖြစ်ပါသည်။ 

ပေးကားပေး၏ မရ မဟုတ်ဘဲ မရအောင်ပေးခြင်းမျိုး ဖြစ်နေပါသည်။ 

ကန့်သတ်ချက်များ များလေလေ လုပ်ဆောင်ရခက်လေလေ၊ မသမာမှု များလာလေလေပင်ဖြစ်ပါသည်။

ပြည်သူများ ဖြစ်စေလိုသည်မှာ လုပ်ငန်းတိုင်းတွင် ရှင်းလင်းသော စည်းကမ်းဥပဒေများဖြင့် နည်းပါးသော ကန့်သတ်ချက်များသာ ထားရှိစေလိုကြပါသည်။ 

သို့မှသာ ကန့်သတ်ချက်နှင့် စည်းမျဉ်းဥပဒေ ရှုပ်ထွေးမှုကြောင့် ဖြစ်ပေါ်နေသော မသမာမှုများ၊ လာဘ်စားမှုများကို ဖယ်ရှားနိုင် မည်ဖြစ်ပြီး ပြည်သူအားလုံး တစ်ပြေးညီအခွင့်အရေးရမည် ဖြစ်ပါသည်။ 

ကာယကံရှင်ကိုယ်တိုင်လာရောက် ဆောင်ရွက်ပါလျက် မှတ်ပုံတင် မိတ္တူတောင်းခြင်းမှာ လူထက် စာရွက်က ပိုအရေးကြီးသလို ဖြစ်နေပါသည်။ 

ထို့ပြင် အထက်တာဝန်ရှိသူအချို့၏နိုင်ငံတော်အတွက် မိမိဌာနက ငွေမည်မျှ ရှာပေးနိုင်သည်ဆိုသော မလိုလားအပ်သည့် ပြိုင်ဆိုင် မှုများ၊ ရှေးရိုးစွဲအယူအဆ များကလည်း ပြည်သူများအတွက် ၀န်ထုပ်ဝန်ပိုးသဖွယ် ဖြစ်နေရပါသည်။

ထိုပြိုင်ဆိုင်မှုကြောင့်ပင် အစစ ဈေးနှုန်း များမြင့်တက်သည်ကို လက်တွေ့မြင်နေ ရပါသည်။ စီးပွားရေးလုပ်သော အစိုးရ လုပ်ငန်း များကို အားကျပြီး ၀န်ဆောင်မှုပေးသော လုပ်ငန်းဖြစ်သည့် ရန်ကုန် ဆေးရုံကြီးကဲ့သို့သောဌာနကပါ နိုင်ငံတော်အတွက် သိန်း ဘယ်နှထောင် ပြန်ရှာပေးမည်ဟု လုပ်လာသောအခါ ဆေးကုသမှုခံယူသော ပြည်သူများ ဒုက္ခတွေ့ရ ပါတော့သည်။ 

ရန်ကုန်ဆေးရုံကြီးသည် ကာရာအိုကေ၊ အနှိပ်ခန်းတို့ကဲ့သို့ ပျော်၍လာသော၊ ငွေပေါ၍လာသော နေရာမဟုတ်သည်ကို တာဝန်ရှိ သူများ သိစေလိုပါသည်။

.....ဖြစ်နေသည့် ပုံစံမှာ 

မီးကားလာပါ၏၊ ဗို့အားကမပြည့်၊

တယ်လီဖုန်းများကား ပေါလာပါ၏၊ ဆက်၍မရ၊

အင်တာနက်ကား ရှိပါ၏၊ လိုင်းကမတက်။ 

လမ်းတွေလည်း များလာပါ၏၊ အဖုအထစ်နှင့် ချိုင့်များ မကင်းဆိုသည့်အတိုင်း ဖြစ်နေပါသည်။ 

နိုင်ငံတော်သည် သဘာဝသယံဇာတ ပေါကြွယ်ဝည်ဟု သိထားကြသော်လည်း ယခုအခါ ကမ္ဘာ့နိုင်ငံအသီးသီးသို့ အလုပ်သမား တင်ပို့နေသည့် နိုင်ငံဘ၀သို့ ကျဆင်းသွားသည်မှာ စိတ်မကောင်း စရာထက် တွေးတတ်မည်ဆိုပါက စိုးရိမ် စရာအနေအထားပင် ဖြစ်ပါသည်။

မြန်မာတို့၏ လူမျိုးစရိုက်အရ မိမိအိုးအိမ် မှ ပစ်ခွာသွားလိုသူ နည်းပါးလှသော်လည်း စားရေး၊ ၀တ်ရေး၊ ပညာရေးတို့ အတွက် ဆယ်ကျော်သက်များ နိုင်ငံကို စွန့်ခွာနေကြသည်မှာ အစုလိုက် အပြုံ လိုက်ဖြစ်နေသည်ကို မြင်နေရပါသည်။ 

ယခုအခါ ကျေးလက်ဒေသမှ လူငယ် အများစုသည်ပင် နိုင်ငံခြားသို့ ရရာ အလုပ် သွားရောက်လုပ်ကိုင်နေကြ သဖြင့် တစ်ချိန်တွင် လယ်ထွန်ပျိုးနှုတ် မည့်သူပင် မလုံလောက်တော့မည့် အရေး စိုးရိမ်နေရပြီဖြစ်ပါသည်။ 

တဘက်ကို ခေါင်းတွင်ပေါင်းပြီး ပြောင်းဖူးဖက်လိပ်ကြီးများကိုင်ကာ နိုင်ငံ ခြားသို့ ရရာအလုပ်သွားလုပ်မည့် သားသမီးမြေးမြစ်များကို ရွာလုံးကျွတ် လိုက်ပို့နေကြသူများ ရန်ကုန်လေဆိပ် တွင် မြင်နေရသည်မှာ အဆန်းမဟုတ် တော့သည့်၊အခြေအနေဖြစ်နေပါသည်။ 

ထို့ကြောင့် ခေတ်မီပညာရေးနှင့် မိသားစုအတွက်စားဝတ်နေရေး ဖူလုံစေ မည့် စီးပွားရေးကို နိုင်ငံတော်အတွင်းတွင် ရှာဖွေနိုင်ရန် အခွင့်အလမ်းများ ဖန်တီးပေးသင့်ပါသည်။ 

ထိုသို့ဖြစ်ရန်မှာ လည်း အစိုးရအုပ်ချုပ်ရေး ယန္တရား၏ မလိုလားအပ်သော၊ ခေတ်နှင့်မလျော်ညီတော့သော ဥပဒေများ၊ စည်းမျဉ်း များကို ဖယ်ရှားသင့်သည်ဟု ထင်မြင်ပါသည်။ 

ဝန်ထမ်းများကို သရုပ်ခွဲကြည့်ပါကလည်း မိမိဘ၀ရပ်တည်ရေးအတွက် ရိုးသားစွာ တာဝန်ထမ်းဆောင်နေသူများ၊ ငွေကြေးကြောင့် မဟုတ်ဘဲ ဂုဏ် သိက္ခာကြောင့် လုပ်ကိုင်နေသူများနှင့် မိမိရာထူးအဆင့်ကို အသုံးပြုပြီး ကိုယ်ကျိုးရှာသူများဟု သုံးမျိုးခွဲကြည့်နိုင်ပါ သည်။ 

ကျွန်တော်သည် တလောက ကော်ပိုရေးရှင်းကြီးတစ်ခုတွင် စက်ရုံ ထုတ်ပစ္စည်းတစ်မျိုးဝယ်ယူရန် လျှောက်လွှာတင်ခဲ့ပါသည်။ 

အဆိုပါရုံးမှ ဖုန်း ဆက်ပြီးလာခဲ့ရန် ပြောသဖြင့် သွားသော အခါ စားပွဲလေးငါးလုံးကို ဖြတ်သန်းပြီးမှ သက်ဆိုင်ရာအရာရှိရှေ့ ရောက်ပါသည်။ 

ထိုအရာရှိက သူရထားသော ရာထူးကို သူ့ယောက္ခမက အမွေပေးထားခဲ့သည့်မျက်နှာဖြင့် ခင်ဗျား ၀ယ်ယူရန် တင်ပြထားခြင်းကို ခွင့်မပြုနိုင်ဟု ပြောပါသည်။ 

သူပင် ကျွန်တော့ကို ရုံးလာခဲ့ရန် ဖုန်းဆက်ခေါ်ခြင်းဖြစ်ပါသည်။ မရောင်းနိုင်ပါကလည်း ဖုန်းထဲမှပင် ပြော၍ပြီးမည့်ကိစ္စ (သို့တည်း မဟုတ်) ဖုန်းဖြင့်မပြောလိုသည်ထားဦး၊ ကျွန်တော်၏ လျှောက်လွှာတွင် လိပ်စာပါပြီး ဖြစ်သဖြင့် စာဖြင့် ပြန်လည်အကြောင်း ပြန်လည်း ဖြစ်နိုင်ပါလျက် ယခုကဲ့သို့ ခေါ် ယူပြောကြားခြင်းကို လုံးဝနားမလည်နိုင်အောင် ဖြစ်ရပါသည်။ 

အတူလိုက်ပါခဲ့သည့်မိတ်ဆွေတစ်ဦးကမူ ကျွန်တော်၏လက်ထဲတွင် ပစ္စည်းတစ်စုံတစ်ရာပါက ထိုအရာရှိပြောမည့်အဖြေသည် ပြောင်း သွားနိုင်ကြောင်း သူ့အမြင်ကို ဖွင့်ဟ အကြံပေးပါသည်။ 

အလားတူပင် ကျွန်တော်သည် လုပ်ငန်းတစ်ခု လုပ်ကိုင် ခွင့်ရရန် နိုင်ငံတော်သို့ ကျပ်သိန်းမည်မျှ ပေးသွင်းမည်ဟု ၀န်ကြီးဌာန တစ်ခုထံ အဆိုပြုလွှာ တင်သွင်းခဲ့ပါလျက် နိုင်ငံတော်သို့ တစ်ပြားတစ်ချပ်မှ မပေးသူ တစ်ဦးအား အခမဲ့ခွင့်ပြုလိုက်ခြင်း အပေါ် လည်းနားမလည်နိုင် ဖြစ်ရပါသည်။ 

သူငယ်ချင်းတစ်ဦးကလည်း ယခု ကဲ့သို့ ရင်ဖွင့်ပါသည်။ 

သူ့အနေဖြင့် နိုင်ငံတော်ပိုင် စက်ရုံတစ်ရုံကို နှစ်ပေါင်းများစွာ ငှားရမ်းလုပ်ကိုင်လာသူဖြစ်ပါသည်။ 

ယခုခေတ်သစ်တွင် စက်ရုံကို နှစ်ရှည် အငှားရောင်းစနစ်အတွက် တင်ဒါခေါ်ရာ သူသည် တစ်နှစ်လျှင် ကျပ်သိန်း ၁၀၀ ပေးသွင်း ပါမည်ဟု အဆိုပြုခဲ့ပါလျက်၊ လက်ရှိလုပ်ကိုင်နေသူလည်း ဖြစ်ပါလျက် သူ့ကိုခွင့်မပြုဘဲ တစ်နှစ်မှ ၂၅ သိန်းသာပေးသူကို ငှားရမ်းခွင့် ချပေးခြင်း အပေါ် နားမလည်နိုင်ဖြစ်ရသည်ဟု ဆိုလာပါသည်။ 

ယခင်စနစ်အတိုင်း လက်သင့်ရာ စားတော်ခေါ်စေသည့် လုပ်ရပ်များလည်း ရှိနေဆဲပင် ဖြစ်သည်ကို ယခုအချက်များက သက်သေပြ လိုက်ခြင်းဖြစ်ပါသည်။ 

ကျွန်တော့အနေဖြင့် နိုင်ငံတော်သို့ ၂၅ သိန်းသာ ပေးသွင်းပြီး အဆိုပါစက်ရုံ လုပ်ပိုင်ခွင့်ရသူကို သွားမေးကြည့်မိပါ က နိုင်ငံတော် ကိုသာ ၂၅ သိန်း သွင်းရတာ၊ ကျွန်တော်ကုန်တာ ခင်ဗျားတို့အဆိုပြုတဲ့ သိန်း ၁၀၀ ထက်များပါတယ်ဟု ပြန်ဖြေမည်မှာ အသေ အချာဖြစ်သဖြင့် မိမိနား နှင့် ဒေါသကို အနားပေးသည့်အနေဖြင့် မမေးမိတော့ပါ။

နောက်ဆုံးတွင် ကျွန်တော်တို့အတွက် အတိတ်ကံ မကောင်းဟူသော စကားဖြင့်သာ ဖြေသိမ့်ခဲ့ရပါသည်။ 

ကျွန်တော် တင်ပြလိုသည်မှာ အစိုးရဌာန အသီးသီးတွင် ယခင် ခေတ်အဆက် ဆက်ကတည်းက ချမှတ်ထားသော ရှုပ်ထွေးပွေလီ လှသည့် စည်းကမ်းဥပဒေများ၊ လိုက်နာရန်မဖြစ်နိုင်သည့် မြားမြောင်လှစွာသော ကန့်သတ်ချက်များ၊ လုပ်ငန်းတစ်ခုကို လုပ်ကိုင်ခွင့်ပြု သည်အထိ အဆင့်ဆင့်တင်ပြရသောလုပ်ငန်းစဉ်များ၊ တရားဝင် ယှဉ်ပြိုင်ခွင့် မပြုဘဲ လက်သင့်ရာ စားတော်ခေါ်နေသည့် လုပ်ရပ် များကို ရပ်တန့်သင့်သည့် အချိန် ရောက်နေပြီဖြစ်ပါသည်။