Monday, March 16, 2015

ပေးစာ၊ တိုင်စာ၊ ပစ်စာ

1 comments


'ဒါလေးတွေကို သာအေးသိအောင်ပြောပေးကြပါအုံး

စစ်ကိုင်းတိုင်းဒေသကြီး ကန့်ဘလူမြို့နယ် မလယ်ကျေးရွာ ကတော့ ဧရာဝတီမြစ်အနောက်ဘက်ကမ်း မှာတည်ရှိပြီး စစ်ကိုင်းတိုင်းဒေသကြီးနဲ့ မန္တလေးတိုင်းဒေသကြီး နယ်စပ်မှာရှိပါတယ်။ မလယ်ဒေသဟာ ဧရာဝတီမြစ် အရှေ့ဘက်ကမ်း မှာရှိတဲ့ သပိတ်ကျဉ်းမြို့နယ်၊ တွင်းငယ် ဒေသနဲ့ ကပ်လျက်ဆက်စပ်ပြီး ရှိနေပါတယ်။ စစ်ကိုင်းတိုင်းဒေသကြီး အတွင်းမှာတော့ နွားမှောင်ခိုသမားများက ဇီးကုန်း-မလယ်-တွင်းငယ်-မဘိမ်း လမ်းကြောင်းများကတဆင့် တရုတ်နိုင်ငံကိုသွားတဲ့ နွားမှောင်ခိုပို့ဆောင်ရာ လမ်းကြောင်းတစ်ခုဖြစ်နေတာကြာပါပြီ။ အဲဒီနွားမှောင်ခိုလမ်းကြောင်းများမှ တဆင့် မူးယစ်ဆေးဝါးများ ပြန်လည် သယ်ဆောင်လာခြင်းကြောင့် စစ်ကိုင်းတိုင်း ဒေသကြီးအတွင်းကို တရားမ၀င် မူးယစ်ဆေးများ ၀င်ရောက်လာတာဟာ နောင်အနာဂါတ် လူငယ်များအတွက် ရင်လေးစရာတစ်ခုဖြစ်သလို၊ နိုင်ငံတော်အတွက် သက်ရှိသယံဇာတများ ပြုန်းတီးမှုအတွက်လည်း ရင်လေးစရာတစ်ခုဖြစ်နေပါတယ်။ သက်ဆိုင်ရာ ခရိုင်အဆင့် တိုင်းအဆင့်သို့ တာဝန်ရှိပြည်သူများမှ တာဝန်သိသိ တိုင်ကြားသော်လည်း ဒေသခံ ရဲများ၊ ကျေးရွာအုပ်ချုပ်ရေးမှူးများက အထက်ပါ မှောင်ခိုလမ်းကြောင်းများ မှ ရရှိသောငွေ အလွန်များပြားသောကြောင့် အထက်အောက်ညှိနှိုင်းပြေလည်သွားတာမျိုး  အကြိမ်ကြိမ် ဖြစ်နေလျက်ပါ။ နွားမှောင်ခိုသမားများ အတွက် ပေးဆောင်ရသော တရားမ၀င် သတ်မှတ် ပေါက်ကြေးများမှာ နွားတစ်ကောင် လျှင် ရဲကြေး ၂၀၀၀၀ကျပ် ၊ မလယ်ကျေးရွာအုပ်ချုပ်ရေးမှူး ၂၀၀၀ ကျပ် ၊ စသုံးလုံး ၂၀၀၀ကျပ်၊ မလယ်ကျေးရွာ သားသတ်လုပ်ငန်းရှင် ၂၀၀၀ကျပ်၊ ဇီးကုန်းမှ ကိုကျော်သူ က တိုင်းဒန၊ ခရိုင်မှူး ၊ မြို့နယ်မှူး ၊ နယ်လွန် စသည့် ခေါင်းစဉ်ကြေးများဖြင့် ၁၅၀၀၀ကျပ် ပေးဆောင်ပြီး မလယ်ရဲစခန်းပိုင် နယ်မြေများအတွင်း မှောင်ခိုသမားများ ဖြတ်သန်းလျက်ရှိနေပါတယ်။

မလယ်တိုက်နယ် မှ နေ့စဉ် နွားကောင်ရေ ရာချီပြီး ဖြတ်သန်းနေတာ ဖြစ်တဲ့ အတွက် ကျေးရွာအုပ်ချုပ်ရေးမှူးနဲ့ ပြည်သူ့ ရဲတပ်ဖွဲ့ ၀င်များ ဟာ ကျေးရွာအတွင်း တရားဥပဒေစိုးမိုးရေး၊ နယ်မြေလုံခြုံရေး အလုပ်များ ကိုလုပ်ဆောင်ရန်စိတ်ဝင်စားခြင်း မရှိတော့ပဲ၊ နေ့စဉ်နဲ့ အမျှ မလယ် နယ်မြေအတွင်း တောတောင် လမ်းကြားများသို့ လှည့်လည် သွားလာပြီး တရားမ၀င် မှောင်ခိုလာဘ်ငွေများ ကောက်ခံရန်အတွက်ကိုသာ အာရုံစိုက်လုပ်ဆောင်နေပါတယ်။ ၂၀၁၄ ခုနှစ် ဧပြီလ ၁၈ ရက်နေ့က မလယ်ကျေးရွာမှ ရှေးဟောင်း ဘုရား များပျောက်ဆုံးခြင်း၊ ကျေးရွာအတွင်း ညနက်သန်းခေါင် အချိန်များတွင် အမည်မသိ ခေါင်းကို ပုဆိုးများ ခြုံ ပြီး ရုပ်ဖျက် သောင်းကျန်းမှုများရှိနေခြင်း၊ ရာဇ၀တ်မှုများ ထူပြောလာခြင်း၊ တို့ အား လစ်လျှူရှုထားပါတယ်။ မလယ်ကျေးရွာ ပတ်ဝန်းကျင်ရှိ အိုင်မဆိပ်ကမ်း၊ ကြက်သန်းချောင်းဆိပ်ကမ်း၊ ကျောက်လုံးကြီးဆိပ်ကမ်းများမှ  ဧရာဝတီမြစ်ကို နွားမှောင်ခို များ ညစဉ် ညနက်သန်းခေါင် အချိန်များ တွင် စက်လှေသံများ ဆူညံစွာ ဖြင့် ဖြတ်သန်းလျက် ရှိနေတာကို ခရိုင်အဆင့် တိုင်းအဆင့် များအထိ တာဝန်ရှိပြည်သူများမှ အကြိမ်ကြိမ်တိုင်ကြားသော်လည်း ၊ အရေးယူဆောင်ရွက်ခြင်းမရှိပဲ၊ အပေးအယူလုပ်ပြီး အဆုံးသတ် သွားသည်မှာ အကြိမ်ကြိမ် ရှိပြီဖြစ်ပါကြောင်း စစ်ကိုင်းတိုင်းဒေသကြီး မှ ဦးသာအေးကြီး မသိချင်ယောင်ဆောင်ပြီးမနေစေချင်တဲ့အတွက် အခုလို တင်ပြလိုက်ပါတယ်ဗျာ။

                                                                   တာဝန်ရှိပြည်သူတစ်ဦး