သူဟာဘယ်သူလဲ၊ သူ့လုပ်ဆောင်ချက်တွေကဘာလဲ၊ ဘာကြောင့်လုပ်သလဲ ဆိုတာတွေကို တင်ပြ လိုပါတယ်။
သူဟာ မြို့ကြီးပြကြီးမှာ မွေးဖွားကြီးပြင်းခဲ့သူမဟုတ်ပါဘူး။ သာမန်မိသားစုတစ်စုကနေ မွေးဖွား လာခဲ့တာဖြစ်ပြီး သာမန်မိသားစုတို့ရဲ့ ဘ၀ပေးအခြေအနေအတိုင်း အများသူငါလိုပဲ ကြိုးစားရင်းနဲ့ ဘ၀ကို တည်ဆောက်လာခဲ့ရတာဖြစ်ပါတယ်။ ခက်ခဲခဲ့တယ်၊ ကြမ်းတမ်းခဲ့တယ်၊ များစွာ ကြိုးစားခဲ့ရပါတယ်။ ပတ်ဝန်းကျင်မှာရှိတဲ့ သူ့လိုလူတွေရဲ့ ဘ၀တွေကိုလည်း မျက်ဝါးထင်ထင်မြင်ခဲ့ရတယ်။ စိတ်မကောင်းစွာ နဲ့ပဲ တစ်နေ့တော့….. ဆိုပြီး ဆထက်ထမ်းပိုး သူပိုကြိုးစား တည်ဆောက်ပြန်တယ်။ အောင်မြင်ခဲ့တယ်။ မျှော်မှန်းတည်ဆောက်ခဲ့တာနဲ့ ထပ်တူနီးပါးဖြစ်လာခဲ့တယ်။
ယနေ့ သူ့မှာ မိတ်ဆွေ၊ အပေါင်းအသင်း၊ သူ့ကို ယုံကြည်လေးစားသူ၊ ချစ်ခင်သူပေါင်း မြောက်များ စွာ ဖြစ်ပေါ်လာခဲ့တယ်။ သူ့ကိုကူညီချင် သူတွေ လည်း များစွာပါပဲ။ သူ့အတွက် တန်ဖိုးမဖြတ်နိုင်တဲ့ အင်အားတွေပါ။ ဒီအင်အားတွေကပဲ သူ့လုပ်ဆောင်ချက်တွေအတွက် အထောက်အပံ့ဖြစ်ခဲ့ ပါတယ်။
လုပ်ငန်းတာဝန်အရရော ချစ်မြတ်နိုးစိတ်နဲ့ပါ သူ့မွေးဇာတိနဲ့ ဇာတိပတ်ဝန်းကျင်ကကျေးရွာတွေကို နှစ်ပေါင်း၊ အခေါက်ပေါင်းမြောက်များစွာ လှည့်လည်သွားလာခဲ့ပါတယ်။ ကျေးရွာလူထုတွေရဲ့ အခြေအနေ၊ နယ်မြေရဲ့ အခြေအနေတွေကို အနီးကပ်လေ့လာတွေ့မြင်ခဲ့တယ်။ လိုအပ်ချက်တွေ များစွာရှိနေသေးတာကို တွေ့ခဲ့ရတယ်။ တတ်စွမ်းသလောက် ကူညီဖို့ ဆုံးဖြတ်ခဲ့တယ်။ စားရေးမှာ အဓိကလိုအပ်တဲ့ "ဆန်" လှူဒါန်း၊ ထောက်ပံ့ပေးဖို့ ရည်ရွယ်ခဲ့တယ်။
၁၉၉၃ ခုနှစ်ကစတင်ပြီး ယခုနှစ်အထိ ၂၁ နှစ်တိုင်တိုင် နှစ်စဉ်နှစ်တိုင်း တစ်နှစ်မှမပျက်ကွက်စေဘဲ ဆန် လှူဒါန်းထောက်ပံ့မှုကို လုပ်ဆောင်ခဲ့ပါတယ်။ ဒီလိုဆောင်ရွက်တဲ့နေရာမှာ သာသနာတော် သန့်ရှင်း တည်တံ့ပြန့်ပွားရေး ဆောင်ရွက်တော်မူနေကြသော သံဃာတော် အရှင်သူမြတ်များကိုလည်း သာသနာ ဆိုင်ရာကိစ္စရပ်များ မပင်မပမ်းထမ်းရွက်တော်မူနိုင်ကြစေရန်ရည်ရွယ်ပြီး ဆွမ်းဆက်ကပ် လှူဒါန်းလိုတဲ့ အတွက် ဆွမ်းလောင်းသင်းများကို ဆွမ်းဆန်တော်လှူဒါန်းခြင်း၊ ဆွမ်းဆန်ရှားပါးသော ဘုန်းတော်ကြီး ကျောင်းများကို ဆွမ်းဆန်တော်များ လှူဒါန်းခြင်း ဆောင်ရွက်ခဲ့ပါတယ်။ သက်ကြီးဘိုးဘွားများ၊ ဘိုးဘွား ရိပ်သာများကို အဟာရဆန်လှူဒါန်းခြင်း၊ နွမ်းပါးအိမ်ထောင်စုများကို ဆန်ထောက်ပံ့ပေးခြင်း၊ အခြေခံပညာ ကျောင်းများမှ ဆရာ၊ ဆရာမများကို ဆန်ထောက်ပံ့ခြင်း၊ ဆေးရုံဝန်ထမ်းများကို ဆန်ထောက်ပံ့ခြင်း၊ အခြား လိုအပ်နေရာများသို့ ဆန်ထောက်ပံ့ခြင်းများလည်း ဆောင်ရွက်ခဲ့ပါတယ်။ ပေးတဲ့နေရာမှာလည်း အိတ်လိုက်၊ တင်းလိုက်ပေးတာပါ။
ယခုနှစ်မှာ ဘုန်းတော်ကြီးကျောင်းပေါင်း ၁၄၆ ကျောင်း၊ ဆွမ်းလောင်းအသင်း ၄ သင်း၊ ဘိုးဘွား ရိပ်သာ ၂ ခု၊ အခြေခံပညာကျောင်း ၄ ကျောင်းမှ ဆရာ၊ ဆရာမ ၁၇၀ဦး၊ ဆေးရုံ ၂ ရုံမှ ၀န်ထမ်း ၇၀ဦး၊ ကျေးရွာပေါင်း ၂၁ ရွာမှ အိမ်ထောင်စုပေါင်း ၁၉၃၃စုသို့ ဆန်အိတ်ပေါင်း ၃၁၂၅ အိတ် လှူဒါန်းထောက်ပံ့ ပေးခဲ့ကြောင်း သိရပါတယ်။
၁၉၉၃ ခုနှစ်မှ ယခု ၂၀၁၄ ခုနှစ်အထိ ၂၁ နှစ်တာကာလအတွင်း ဆန်အိတ်ပေါင်း ၆၃၀၈၅ အိတ် လှူဒါန်းပြီးဖြစ်ကြောင်း သိရတဲ့အတွက် နှစ်စဉ် တစ်နှစ်လျှင် ပျမ်းမျှ ဆန်အိတ် ၃၀၀၀ ကျော်လှူဒါန်းခဲ့ တယ်လို့ သိနိုင်ပါတယ်။
ဒီဆောင်ရွက်ချက်အပေါ်မှာ ခုလို ဇာတိနယ်မြေကိုပြန်ကြည့်သူ ဘ၀မမေ့တတ်သူတစ်ဦးကို အားလုံးက သာဓုအနုမောဒနာခေါ် ဆိုကြောင်း၊ ကျေးဇူးတင် ၀မ်းမြောက်ကြပါကြောင်း၊ နောက်နောင်လည်း ကိုယ်ကျန်းမာ၊ စိတ်ချမ်းသာစွာနဲ့ ဒီလို ဆက်လက်ဆောင်ရွက်နိုင်ရန် ဆုတောင်းမေတ္တာ ပို့သကြပါကြောင်း ပီတိဖုံး၊ အပြုံးမျက်နှာ များနဲ့ ပြောကြားနေကြတဲ့ နယ်သူနယ်သားအပေါင်းကို တွေ့မြင်ခဲ့ရပါတယ်။
တော်ရုံစွမ်းဆောင်ရည်နဲ့မဖြစ်နိုင်တဲ့ လုပ်ဆောင်မှုကို ဆယ်စုနှစ် ၂ ခုကျော် စဉ်တိုက်ဆက်တိုက် ဆောင်ရွက်နိုင်ခဲ့တယ်။ မိသားစု၊ မိတ်ဆွေများ၊ ချစ်ခင်ကြည်ညိုသူများကလည်း ၀ိုင်းဝန်းဆောင် ရွက် ပေးခဲ့ကြတယ်။ ရှေ့ ဆက်ပြီးတော့လည်း တက်ညီလက်ညီဆောင်ရွက်ကြဦးမယ် ဆိုတာ လည်း မြေကြီး လက်ခတ်မလွဲနိုင်ပါ။
မိမိနယ်မြေဒေသအပေါ် သံယောဇဉ်ကြီးမားစွာနဲ့ နယ်မြေရဲ့လို အပ်ချက် များစွာထဲက မိမိ တတ်စွမ်းသလောက် ကွက်လပ်ကလေး တစ်ခုကို နှစ်ပေါင်းများစွာဖြည့်ဆည်ပေးလာသူကတော့ ပြည်သူ ချစ်တဲ့ ပြည်သူ့ကိုယ်စားလှယ်ကြီး ဦးအောင်သောင်းဖြစ် ပါကြောင်း လေးစား ဂုဏ်ယူစွာ တင်ပြလိုက်ရ ပါတယ်ခင်ဗျာ။
